Nakakahiya ang ikalimang SONA ni Pangulong Bongbong Marcos Jr. kung ang magiging laman lamang nito ay ang P2,000 ayuda sa ilalim ng Unified Package for Livelihood, Industry, Food and Transport (UPLIFT) program para labanan ang nararansang krisis sa ekonomiya, at 2 presong nakakulong dahil sa pagkakasangkot sa flood control scam.
Ayon ito sa
Partido Manggagawa (PM) na kabilang sa mga grupo ng manggagawa na magsasagawa
ng kilos-protesta ngayon araw ng SONA.
Matatandaang
bago ang kanyang SONA ay nag-anunsyo ang Pangulo ng panibagong financial
assistance na nagkakahalaga ng P2,000 mula July hanggang December para sa
mahihirap at sa tinawag niyang “malapit nang maging mahirap”, terminong naging
mainit na usap-usapan sa social media.
Isang taon
naman matapos ang kanyang “mahiya naman kayo” na mensahe kaugnay ng korapsyon
sa flood control sa nakaraang SONA ay dalawa pa lamang ang nasa kulungan – sina
Senador Ramon Bong Revilla, Jr. at Jinggoy Estrada. Samantalang ang dalawa pang
nakakulong na sina Senador Rodante Marcoleta at dating Kongresman Mike Defensor
ay nahaharap naman sa ibang kaso ng plunder na may kinalaman sa hindi
idineklarang kontribusyon noong nakaraang eleksyon.
Una nito ay
nanawagan ang PM na upang hindi maging SONAkakahiya ang ikalimang SONA ni PBBM
ay agaran at pangmatagalang solusyon laban sa lumalalang cost-of-living crisis
ang dapat ilatag at aksyunan.
Ayon kay Renato
Magtubo, Pangulo ng PM, una dito ang sertipikasyon ng P200 na legislated wage
hike at pagsasabatas ng National Minimum Wage na parehong nakabinbin sa ngayon
Kongreso; pagrepaso sa Oil Deregulation Law, Electric Power Industry Reform Act
(EPIRA) at Value Added Tax (VAT); public employment program at iba pang reporma
na makapagpapagaan sa buhay ng mga Pilipino.
Malinaw aniya
sa resulta ng dalawang magkahiwalay na survey ng Pulse Asia at EON-Tangere bago
ang SONA na ang mas marami sa listahan ng gustong marinig ng mga Pinoy sa SONA
ni BBM ay ang tungkol sa presyo, sweldo, trabaho, kahirapan, at iba pang
economic concerns.
PRESS RELEASE
Partido Manggagawa
27 July 2026
No comments:
Post a Comment