BALIK EDSA SA NOBYEMBRE 30!
BAGUHIN ANG MALING SISTEMA!
Hindi lang korapsyon ang dapat
mawala kundi ang sistemang nagsilang nito - ang political dynasty at patronage
politics.
Ang pagwaksi sa korapsyon at
dinastiya ang tampok na isyu ng manggagawa sa martsa patungong People Power
Monument sa Araw ni Gat Andres Bonifacio sa Nobyembre 30, kasabay ng mga
kahilingan sa dagdag sweldo at pagtigil sa endo.
Kalahok din ang Partido
Manggagawa sa marami pang magaganap na protesta sa iba't-ibang panig ng bansa
sa pangunguna ng Trillion People March Movement.
Kung nagawa ng mga korap na
pulitiko na magnakaw ng trilyones sa kabang bayan, ito ay dahil pakiramdam
nila, sila ay hindi mababaling kapangyarihan para lokohin ang taumbayan at
magkamal ng yaman mula sa mga proyekto ng pamahalaan. Ito ay dahil alam nila na
sila-silang dynasty lamang ang naghahati sa kapangyarihang ito mula nasyunal
hanggang lokal.
Kaya’t ang nangyari,
korapsyon ang naging regular habang manggagawa ay kontraktwal. Wage hike ang
kinontrol, habang korapsyon ay bumaha.
Dahil sa korapsyon,
pampublikong serbisyo tulad ng Philhealth ang nabawasan. Dahil sa dinastiya,
mga proyekto ay pinaghati-hatian ng magkakamag-anak at kaibigan, kasabwat ang
sindikato sa buong pamahalaan.
Ang sistemang ito ay dapat
repormahin! Manggagawa ang gawing regular, hindi ang korapsyon! Wage hike sa
manggagawa, hindi unli kickback sa mga korap! Dinastiya ang dapat ma-endo,
hindi ang manggagawa! Kalayaan at demokrasya, hindi forever na dinastiya!
Partido Manggagawa
28 November 2025
No comments:
Post a Comment