Hindi pa nga natatanggap ay kinain na ng power rate hike ang isang araw sa ₱60 wage hike ng minimum wage earners dito sa NCR. 

 

Ayon sa Partido Manggagawa, hindi bababa sa ₱74.8 milyon mula sa 1.1 milyong minimum wage earners sa NCR na dapat tumanggap ng ₱60 wage hike ngayong Hulyo ang mapupunta lamang sa mga may-ari ng power plants dahil sa ₱0.34/kwh na rate hike na inanunsyo ng Meralco. 

 

Pauna lamang ito sa mga susunod pang pagtaas sa presyo ng kuryente dahil nakabinbin din sa Energy Regulatory Commission (ERC) ang petisyon ng Meralco para sa sariling distribution, supply, and metering (DSM) charge adjustment na nagkakahalaga ng ₱0.99/kWh sa ilalim ng first regulatory period ng 2027-2031na maari umanong desisyunan ng ERC ngayong 3rd Quarter. 

 

“Ang wage hike ay utay-utay pero ang rate power rates hike ay sunod-sunod,” galit na pahayag ni Judy Miranda, Secretary General ng Partido Manggagawa (PM). 

 

Ayon kay Miranda, kung pagsasamahin ay mahigit ₱1.00/kWh ang average na itinaas ng presyo ng kuryente mula Marso. 

 

Sa paliwanag ng PM, ₱74.8 milyon ang mawawalang halaga mula sa 1.1 milyong minimum wage earners dahil ang katumbas ng ₱0.34/kWh sa konsumo na 200 kWh ng tipikal na household sa isang buwan ay ₱68. 

 

“Ibig sabihin, isang araw na minimum wage na kaagad ang nawala sa bagong wage hike ng minimum wage earners sa NCR. Ito pala ang buhay sa Upper Middle-Income Country, mas mabilis ang power hike kaysa sa wage hike,” ayon pa kay Miranda.

 

Nangangamba rin ang PM na masusundan pa ang power rate hikes ng isa pang round at may domino effect ito sa ibang produkto dahil sa bulnerabilidad ng bansa sa price shocks dahil sa dependence nito sa imported na fossil fuel tulad na langis, coal at LNG na siyang gamit sa power plants at transportasyon dahil napakabagal din ng transisyon sa renewable energy.

 

Dagdag dito ang kapalpakan ng EPIRA at pribatisasyon bilang patakaran na ginawang mas makapangyarihan ang mercado kasya kontrol ng gobyerno sa esensyal na mga serbisyo tulada ng kuryente.

 

“Dapat ang UMIC status ay resulta ng reporma, hindi matematikal na kwenta lamang sa yaman na kalakhan ay nasa kamay lang naman ng mga kapitalista, katulad ng mga may-ari ng power firms,” pagwawakas ni Miranda.

PRESS RELEASE

Partido Manggagawa

11 July 2026

One day's wage hike just eaten by power rate hike

Photo from GMANews

The power rate hike has already eaten one day of the ₱60 wage hike that is yet to be received by minimum wage earners in NCR.

 

According to Partido Manggagawa (PM), at least ₱74.8 million, from the 1.1 million minimum wage earners in NCR who should receive a ₱60 wage hike this July, will only go to power plant owners because of the ₱0.34/kwh rate hike announced by Meralco.

 

This is just a preview of the next electricity price increases because Meralco's petition for its own distribution, supply, and metering (DSM) charge adjustment worth ₱0.99/kWh is also pending at the Energy Regulatory Commission (ERC) under the first regulatory period of 2027-2031, which the ERC is said to be able to decide this 3rd Quarter.

 

“The wage hike is gradual but the rate power rates hike is consecutive,” angrily stated Judy Miranda, Secretary General of PM.

 

According to Miranda, if combined, the average electricity price increase since March is more than ₱1.00/kWh.

 

According to the PM, 1.1 million minimum wage earners lost ₱74.8 million because the equivalent of ₱0.34/kWh for a typical household's consumption of 200 kWh in a month is ₱68.

 

“This means that one day of minimum wage has already been lost in the new wage hike for minimum wage earners in the NCR. This is life in an Upper Middle-Income Country, power hikes are faster than wage hikes,” Miranda said.

 

PM also fears that these power rate hikes will be followed by another round and will have a domino effect on other products due to the country's vulnerability to price shocks as it is dependent on imported fossil fuels such as oil, coal and LNG which are used in power plants and transportation because the transition to renewable energy is also very slow.

 

Added to this is the failure of EPIRA and privatization as a policy that made the market more powerful than government control over essential services like electricity.

 

“UMIC status should be the result of reform, not just a mathematical calculation of wealth that is largely in the hands of capitalists, such as the owners of power firms,” Miranda concluded.

 

PRESS RELEASE

Partido Manggagawa

11 July 2026

P200 wage hike ngayon na!

Buong suporta ang ipinapahayag ng Partido Manggagawa (PM) sa petisyon ng Kapatiran ng mga Unyon at Samahang Manggagawa (Kapatiran) para sa P200 wage increase na dininig ngayong araw ng NCR Regional Tripartite Wages and Productivity Board.

 

Sa harap ng patuloy na pagtaas ng inflation at lumalalang cost-of-living crisis, ang dating sahod ay kinain na ng pagtaas ng presyo ng pagkain, pamasahe, kuryente, upa, at iba pang pangunahing pangangailangan.

 

May peace agreement na sa Middle East, pero dito sa Pilipinas ay wala pa ring “agreement” sa usapin ng sahod. Hindi magkasundo dahil ayaw ng employers at gobyerno sa sapat at malaking dagdag-sahod na matagal nang hinihingi ng mga manggagawa.

 

Habang pinag-uusapan kung magkano lang ang kayang ibigay sa mga manggagawa, ang presyo ng mga bilihin ay parang missiles na walang tigil ang lipad—sunod-sunod ang pagsirit at walang pinipiling tamaan. Ang tunay na epekto nito ay gutom, pangungutang, at patuloy na paghihigpit ng sinturon ng mga pamilyang manggagawa.

 

Ang P200 wage increase ay kinakailangang hakbang upang maibsan ang mabilis na pagbagsak ng purchasing power ng sahod. Ang ekonomiya ay hindi uunlad kung ang mismong mga lumilikha ng yaman ay patuloy na binabarat.

 

Panahon na ring talikuran ang mali at konserbatibong pananaw na ang disenteng umento sa sahod ay katumbas ng tanggalan. 

 

Maraming pag-aaral ang nagpapakitang ang mas mataas na kita ng mga manggagawa ay nagpapalakas ng domestic demand at nagpapasigla sa lokal na ekonomiya. Ang solusyon ay pagsamahin ang makabuluhang wage increase at isang industrial at employment strategy na lilikha ng marami at de-kalidad na trabaho.

 

Malapit na ang State of the Nation Address (SONA). Ngunit walang laman ang anumang pahayag tungkol sa pag-unlad kung wala itong kasamang makabuluhang wage hike at seryosong programa sa employment. Hindi magiging kumpleto ang SONA kung hindi sasagutin ang pinakamabigat na tanong ng milyun-milyong manggagawang Pilipino: Paano mabubuhay nang disente ang isang pamilyang ang sahod ay mas mababa pa sa poverty threshold?

 

Panahon na para pakinggan ang panawagan ng mga manggagawa: P200 wage hike ngayon na!

 

Partido Manggagawa

18 June 2026

May baon bang pagbabago si Secretary Tolentino?

Dahil ang pinalitan niyang Kalihim sa Department of Labor and Employment ay hindi malapit sa manggagawa at hindi rin maganda ang performance, ang inaasahan na kapalit ay mas maayos, kundi man kabaliktaran. 

 

Prerogative ng Pangulo ang pagpili nang kanyang alter-ego at pinuno sa mga departamento at ahensya ng pamahalaan. Walang say dito ang manggagawa, kung kaya’t ang pagsalubong sa bagong talagang Kalihim ay sa paraan ng paghamon namin gustong idadaan.

 

Ang hamon ay kung may baon bang pagbabago si Sec. Tolentino sa DOLE? Ito ang nais naming marinig sa kanyang unang araw sa tanggapan. 

 

Nakabinbin ngayon ang mga panukalang batas sa Kongreso para sa P200 dagdag-sahod at panukalang abolisyon ng provincial rate. Kasabay nito ay nakahain din sa regional wage boards ang mga petisyon wage hike mula P200 hanggang P1,200. Nariyan pa rin ang problema sa endo at mga hadlang sa malayang pag-uunyon.

 

Kaya ba ng bagong Kalihim na ang mga ito ay itulak at pabilisin? 

 

Sa harap ang kasalukuyang krisis ay tumataas din ang ang unemployment rate kaya mahalagang agenda ang job creation, kabilang ang green jobs kung saan lead agency ang DOLE, at reporma sa public employment program.

 

Mahirap na trabaho ang magbalanse ng interes ng manggagawa at kapitalista. Pero bilang abogado ay alam dapat ni Secretary Tolentino na sa usapin ng social justice, mas matimbang ang kapakanan ng paggawa kaysa sa tubo ng negosyo. Ito ang mas mahalaga sa manggagawa, dahil dito nagsisimula ang tama at unang hakbang ng isang pinuno.

 

PRESS STATEMENT

Partido Manggagawa

26 May 2026

Hustisya para sa mga manggagawang biktima ng pagguho ng gusali

 

Photo from Bureau of Fire Protection Central Luzon

Kinokondena ng Partido Manggagawa sa Central Luzon ang naganap na trahedya ng pagguho ng itinatayong gusali sa bahagi sa Pampanga kung saan dalawa na ang kumpirmadong patay.

 

Ayon sa huling mga ulat, 26 pa lamang sa mahigit 40 katao na pinaniniwalang na-trap sa gumuhong gusali ang na-rescue. 

 

“Malinaw na may pananagutan dito ang may-ari, kontraktor, DOLE, at maging ang lokal na pamahalaan, dahil ito ay malinaw na kapalpakan, bukod sa kapabayaan sa occupational health and safety (OSH) standard na dapat pinaiiral sa lahat ng workplace, lalo na sa construction sites,” pahayag ni Ver Estorosas, tagapangulo ng Partido Manggagawa sa Bulacan. 

 

Pangunahin aniyang layunin ng OSH law na pigilan ang workplace accidents sa manggagawa kaya nangangahulugan ito ng regular na inspeksyon lalo na mga construction sites.

 

Dapat magkatulong ang DOLE at LGUs sa enforcement ng OSHS standards sa kanilang nasasakupan dahil ang aksidente ay palaging risko sa construction sites. 

 

“Pero kung parehong natutulog sa pansitan, ang kapahamakan ng manggagawa ay palaging naisusugal,” dagdag pa ni Estorosas.

 

Nananawagan din ang PM sa mabilisang imbestigasyon sa naging sanhi ng aksidente, gayundin sa agarang medikasyon at kompensasyon para sa mga biktima. 

 

Nangangamba rin ang grupo na kung walang SSS coverage ang construction workers dito, na siyang kalakaran sa industriya, hindi sila masasaklaw ng benepisyo ng Workmen’s Compensation Act. 

 

“Ang kawalan ng SSS at iba pang benipisyo ng manggagawa sa konstruksyon ay dagdag na pananagutan sa batas ng mga employer,” diin ni Estorosas.

PRESS STATEMENT

Partido Manggagawa-Bulacan

25 May 2026